Ард Даатгал ХК нь Багануурын хоккейн холбооны баг тамирчдын АНУ дахь аяллыг 1.9 тэрбум төгрөгийн үнэлгээ бүхий гадаад аяллын даатгалаар ивээн тэтгэж, хамтран ажиллалаа.
Тус баг тамирчид АНУ-ын Миннесота хоккейн холбооны урилгаар 2026 оны 10 дугаар сарын 10-26-ны өдрүүдэд Миннесота мужид зочилж, хамтарсан бэлтгэл, нөхөрсөг тоглолтуудад оролцохын зэрэгцээ NHL-ийн тоглолтууд үзэж, сургалтад хамрагдах юм.
Энэхүү аялал нь 2026 онд хоёр дахь удаагаа зохион байгуулагдаж байгаа бөгөөд Монголын хоккейн баг тамирчид АНУ-ын мэргэжлийн хоккейн байгууллага, клубийн урилгаар зочилж буй онцлох үйл явдал болж байна.
Ард Даатгал ХК баг тамирчдадаа амжилт хүсэж, аялал бүр нь шинэ туршлага, шинэ боломж, шинэ амжилтын эхлэл байхыг хүсье.