Чанар болон мэдээллийн аюулгүй байдлын бодлого
Чанар болон мэдээллийн аюулгүй байдлын бодлого
Ард Даатгал ХКХамрах хүрээ
Компани хууль, зохицуулалтын шаардлагыг нийцүүлэн хангах, харилцагчдын сэтгэл ханамжийг дээшлүүлэх, өөрийн найдвартай байдал болон хариуцлагыг хангах зорилгоор компанийн өөрийн тогтолцоонд Чанарын менежментийн тогтолцоо, Мэдээллийн аюулгүй байдлын менежментийн тогтолцоо-г багтаасан.
Компанид хэрэгжиж буй чанарын менежментийн тогтолцоо, мэдээллийн аюулгүй байдлын менежментийн тогтолцоо нь компанийн үйл ажиллагааг хамарсан.
Хамрах хүрээнд дараах үйл ажиллагаа хамаарна. Үүнд:
- Ерөнхий даатгалын ажиллагаа
- Давхар даатгалын ажиллагаа
- Салбарын удирдлага
- Брокер, зууч, төлөөлөгчийн харилцаа
- Нөхөн төлбөр олгох үйл ажиллагаа
- Санхүүгийн гүйлгээ хийх, тайлан бэлтгэх үйл ажиллагаа
- Хөрөнгийн удирдлагын ажиллагаа
- Хүний бүрдүүлэлтийн ажиллагаа
- Бичиг хэрэг, архивын үйл ажиллагаа
- Хуулийн үйл ажиллагаа
- ERP систем, аппликейшний хөгжүүлэлт ба удирдлага
АРД ДААТГАЛ ХК-ИЙН
Чанар ба мэдээллийн аюулгүй байдлын бодлого
Хууль
Хурдан, найдвартай
Ёс зүй
Мэдээллийн нууцлал
Мэдээллийн үнэн зөв хүртээмж
Зөвхөн ашиг бус тогтвортой хөгжил
Эрсдэлийн удирдлага
Суралцагч байх, тасралтгүй сайжруулалт
Бид:
Монгол улсын хууль тогтоомжийн шаардлагуудад байнга нийцэж ажиллана.
Даатгалын зах зээлд харилцагчдынхаа хэрэгцээ, хүлээлт, шаардлагад нийцсэн шинэлэг бүтээгдэхүүн болон дэвшилтэт технологид (автоматжуулалт, хиймэл оюун) суурилсан даатгалын үйлчилгээг шуурхай, найдвартай, мэргэжлийн түвшинд хүргэн ажиллана.
Аливаа санхүүгийн луйвар, залилан, хууль бус үйлдлээс ангид байж байгууллагын бүх түвшинд ажилтнуудынхаа ёс зүйт хандлагыг эрхэмлэн сахиулна.
Өөрийн болон харилцагчдын бүх төрлийн мэдээлэл, мэдээллийн хүртээмжтэй, бүрэн бүтэн байдал, мэдээллийн системийн нууцлалыг тасралтгүй ханган, мэдээллийн аюулгүй байдлын эрсдэлийн менежментийг тогтмол хэрэгжүүлж ажиллана.
Нээлттэй хувьцаат компанийн хувьд хүлээсэн үүргийн дагуу холбогдох талуудад мэдээлэх шаардлагатай мэдээллийн үнэн зөв, ил тод, нээлттэй, хүртээмжтэй байдлыг хангаж ажиллана.
Өдөр тутмын үйл ажиллагаандаа зөвхөн бизнесийн ашгийг эрхэмлэх бус олон улсын хөгжлийн чиг хандлагыг даган бүтээгдэхүүн, үйлчилгээгээ тогтвортой хөгжлийн үзэл баримтлалд нийцүүлэн нийгэмд эерэг нөлөөллийг бий болгохыг зорьж ажиллана.
Компанийн андеррайтинг болон хөрөнгийн удирдлагыг үр ашигтай түвшинд байлгаж, эрсдэлийн удирдлагыг системтэйгээр сайжруулж, нэгдмэл менежментийн тогтолцоонд нийцүүлэн ажиллана.
Салбарын болон олон улсын тэргүүн туршлага, стандартад байнга суралцаж чанар болон мэдээллийн аюулгүй байдлын менежментийн тогтолцооныхоо үр нөлөөтэй хэрэгжилтийг тасралтгүй сайжруулна.