📞 7720 0088
НӨХӨН ТӨЛБӨР ОЛГОХГҮЙ БАЙХ НӨХЦӨЛ
Нөхөн төлбөр олгохгүй байх нөхцөл
Ард Даатгал ХК
АНХААРАХ ЗҮЙЛС
Нөхөн төлбөр олгохоос татгалзах үндэслэлүүд
Хууль тогтоомж болон гэрээний нөхцөлийн дагуу
📌 Даатгалын тухай хуулиар татгалзах үндэслэл
Даатгалын тухай хуулиар даатгагч дараах үндэслэлээр нөхөн төлбөрийг бүрэн буюу зарим хэсгийг олгохоос татгалзаж болно:
- Даатгуулагч санаатайгаар хохирол учруулсан буюу даатгалын тохиолдол бий болох нөхцөл, орчныг бүрдүүлсэн;
- Даатгуулагч даатгалын зүйлийн талаар даатгагчид худал мэдээлсэн, хуурамч бичиг баримт бүрдүүлсэн нь тогтоогдсон;
- Даатгалын гэрээнд зааснаас бусад шалтгаанаар хохирол гарсан;
- Гарсан хохирлыг даатгуулагч буруутай этгээдээр нөхөн төлүүлсэн;
- Хууль тогтоомжид заасан бусад үндэслэл.
📑 Гэрээний онцлогтой холбоотой татгалзах тохиолдлууд
Тухайн даатгалын гэрээний онцлогтой холбоотой дараах тохиолдлуудад нөхөн төлбөрийг олгохоос татгалзана:
- Монгол улсын нутаг дэвсгэрээс гадна үүссэн хохирол;
- Даатгуулагч гэрээгээр хүлээсэн үүргээ биелүүлээгүй бол;
- Даатгалын эрсдэлийн улмаас байгаль орчинд учирсан хохирол;
- Даатгалын зүйлийг гэмт хэргийн зорилгоор болон хууль бусаар ашиглаж явсан үед учирсан хохирол;
- Байлдааны зэвсэг хэрэглэх, атомын, цөмийн, болон цацраг идэвхит эрсдэлүүдээс үүссэн хохирол;
- Ажил хаялт, нийгмийн эмх замбараагүй байдал, террорист болон атомын, цөмийн, болон улс төрийн шинж чанартай үйл ажиллагааны улмаас үүдсэн хохирол;
- Даатгалын зүйлийн бүрэн бүтэн байдал хангаагүй, ашиглалтын горимыг зөрчсөн, даац ачаалал хэтрүүлснээс үүссэн хохирол;
- Согтууруулах ундаа, мансууруулах бодис хэрэглэсэн, сэтгэцийн эмгэг болон эрх зүйн чадамжгүй этгээдийн хийсэн аливаа үйлдлээс үүдэн гарсан аливаа хохирол;
- Даатгалын тохиолдолтой холбоогүй механик засвар үйлчилгээ, машины нөхцөл байдлыг сайжруулах болон тэдгээрийн үр дагавраас үүссэн хохирол;
- Даатгалын үнэлгээнээс давсан хохирол болон хохирлоос үүдсэн ашиг орлогын алдагдал;
- Гарсан хохирлыг даатгуулагч буруутай этгээдээр нөхөн төлүүлсэн хохирол;
- Даатгалын зүйлийн зөвшөөрөгдсөн байршил өөрчлөгдсөн, бусдад түрээслэх, барьцаалуулах, зээлдүүлэх, ашиглуулах, тээвэрлэх мөн энэ тухай даатгагчид мэдэгдээгүй үед гарсан хохирол;
- Давагдашгүй хүчин зүйл буюу байгалийн гамшиг, газар хөдлөлтийн улмаас гэрээний нөхцөл биелэгдэх боломжгүй болох тохиолдол;
- Сэтгэл санааны хохирол.
АРД ДААТГАЛ ХК — ХАРИЛЦАГЧИЙН ҮЙЛЧИЛГЭЭ