Таны ур чадвараас гадна замын хөдөлгөөнд оролцож буй бусад жолооч нарын болгоомжгүй, туршлагагүй байдал таны машины бүрэн бүтэн байдалд аюул учруулж байдаг. Бусдын болгоомжгүй үйлдлийг та хянаж чадахгүй тул учирч болох эрсдэлийг хохиролгүй даван туулахад тань энэхүү даатгал тусална.

Тээврийн хэрэгслийн даатгалд хэн даатгуулах боломжтой вэ?

• Тээврийн хэрэгсэл эзэмшдэг жолооч бүр даатгуулах боломжтой.

Авто тээврийн хэрэгслийн даатгалд ямар төрлийн тээврийн хэрэгсэл даатгуулж болох вэ?

• B, C, D ангиллын тээврийн хэрэгсэл
• Зөвшөөрөгдсөн нэмэлт тоноглол

Даатгалын багц, эрсдэлийн харьцуулалт

Даатгалын үнэлгээ:

• Авто тээврийн хэрэгслийн даатгалын үнэлгээг зах зээлийн үнийн жишгийг харгалзан даатгуулагч, даатгагч харилцан тохиролцоно.

Дараах тохиолдолд даатгалын нөхөн төлбөрийг олгохоос татгалзана. Үүнд:

• Даатгалын тухай хуулийн 8.5-д заасан үндэслэлүүд
• Даатгалын тохиолдлын үед эрсдэлийг таслан зогсоох арга хэмжээ аваагүй буюу хохирлыг санаатайгаар ихэсгэсэн нь тогтоогдсон бол
• Даатгалын гэрээнд өөрөөр заагаагүй бол нэмэлт эрсдэлийн улмаас учирсан гарсан хохирол, нэмэлт зардал
• Монгол Улсын нутаг дэвсгэрээс гадна үүссэн хохирол
• Даатгалын хураамж төлөөгүй байхад учирсан хохирол
• Даатгуулагч даатгалын гэрээгээр хүлээсэн үүргээ биелүүлээгүй бол
• Хохирлоос үүдэн гарсан эдийн засгийн алдагдал
• Даатгалын зүйлийг гэмт хэргийн зорилгоор болон хууль бусаар ашиглаж явсан үед учирсан хохирол
• Байлдааны зэвсэг хэрэглэх, атомын, цөмийн, болон цацраг идэвхт эрсдэлүүдээс үүссэн хохирол
• Ажил хаялт, нийгмийн эмх замбараагүй байдал, террорист болон улс төрийн шинж чанартай үйл ажиллагааны улмаас үүдсэн хохирол
• Согтууруулах ундаа, мансууруулах бодис хэрэглэсэн, сэтгэцийн эмгэг болон эрх зүйн чадамжгүй этгээдийн хийсэн үйлдлээс үүдсэн хохирол
• Даатгалын үнэлгээнээс давсан хохирол болон хохирлоос үүдсэн ашиг орлогын алдагдал
• Байгалийн гамшиг, давагдашгүй хүчин зүйлийн улмаас учирсан хохирол

Тухайн даатгалын онцлогтой холбоотой дараах тохиолдолд нөхөн төлбөр олгохоос татгалзана:

• Даатгалын зүйлийн өмчлөл, эзэмшилд өөрчлөлт орсон талаар даатгагчид 15 хоногт багтаан мэдэгдээгүй үед
• Даатгуулагч нэмэлт тоног төхөөрөмжөө даатгаагүй үед тэдгээрт учирсан хохирол
• Техникийн бүрэн байдлыг хангаж яваагүйн улмаас үүдэн гарсан хохирол
• Үйлдвэрлэлийн алдаа болон эд ангийг буруу суурилуулсан, угсарсан, задалснаас үүдэн гарсан хохирол
• Механик, цахилгаан болон электроникийн эвдрэл, гэмтэл, мотор цохисон хохирол
• Ан ав хөөх, тээврийн хэрэгслийн туулах чадварыг илтэд туршсан, уралдааны зориулалтаар ашигласнаас үүдсэн хохирол
• Тусгай зөвшөөрөлгүй буюу хэтэрсэн ачаа, шатамхай, тэсрэх бодис тээвэрлэсний улмаас учирсан хохирол
• Онцгой Байдлын Ерөнхий Газраас сэрэмжлүүлэг мэдээлэл өгсөөр байтал замд гарснаас учирсан хохирол
• Шороон шуурганы улмаас тээврийн хэрэгслийн их биед учирсан хохирол
• Жолоочийн даатгалын тухай хуульд хамаарах хохирол