Орон сууц эзэмшигчдийн иж бүрэн даатгал нь таныг бусдын эзэмшлийн эд хөрөнгө, амь нас эрүүл мэндэд учирч болох хохирлын зардлаас хамгаалаад зогсохгүй таны ч эд хөрөнгөнд учирсан хохирлын зардлыг нөхөн төлж таныг төлөвлөгдөөгүй санхүүгийн зардлыг даван гарахад туслах зорилго бүхий даатгал юм.

Орон сууц эзэмшигчдийн иж бүрэн даатгалд юу даатгуулж болох вэ?

Орон сууц өмчлөгч/эзэмшигчийн болон эзэмшигчийн гэр бүлийн гишүүдийн буруутай үйл ажиллагаанаас үүдэн доорх зүйлсэд учруулж болох хохирлын хариуцлага:

• Бусдын амь нас, эрүүл мэнд
• Орон сууц, дундын өмчийн хөрөнгө
• Даатгуулагчийн өөрийн орон сууцны дотоод засал

Таныг ямар эрсдэлүүдээс даатгадаг вэ?

Даатгуулагчийн орон сууц эзэмших, ашиглахтай холбоотой санамсар болгоомжгүй үйлдэл, санаатай бус үйл ажиллагааны улмаас:

• Бусдын амь нас, эрүүл мэндэд хохирол учруулах
• Бусдын эд хөрөнгөнд хохирол учруулах
• Гал түймэр
• Сантехникийн шугам сүлжээний гэмтэл
• Уснаас үүдэлтэй цахилгааны гэмтэл

Даатгалын үнэлгээ нь даатгуулагчийн сонголтоос хамаарч дараах хэмжээтэй байна:

Орон сууц эзэмшигчдийн иж бүрэн даатгал ямар хугацаанд үргэлжилдэг вэ?

• Гэрээ байгуулснаас хойш 1 жилийн хугацаанд хүчинтэй.

Даатгалаас олгогдох нөхөн төлбөрийн хэмжээ ямар байдаг вэ?

Эрсдэлийн улмаас өөрийн болон бусдын сууц, дундын өмч хөрөнгө, бусдын амь нас, эрүүл мэндэд учирсан хохиролд дараах хувь хэмжээгээр нөхөн төлбөрийг олгоно:

• Даатгалын хугацаанд даатгуулагч сар бүр нэмэлт хураамж төлснөөр өөрийн болон бусдын орон сууцны засварын ажлын хөлс авах эрхтэй болох ба энэ нь 20,000 төгрөгөөс хэтрэхгүй байна.
• Өөрийн сууцанд учирсан хохиролд барилгын материалын зах зээлийн дундаж үнийг баримтлан, эрсэдсэн хэсэгт оногдох материалын зардлын 90%-иар олгоно.
• Дундын өмчлөлд учирсан хохиролд эрсэдсэн хэсэгт оногдох материалын зардлын 80%-иар олгоно.
• Бусдын сууцанд учирсан хохиролд эрсэдсэн хэсэгт оногдох материалын зардлын 80%-иар олгоно.
• Дээврийн элэгдлийн улмаас даатгуулагчийн орон сууцанд учирсан хохиролд өртсөн хэсэгт оногдох материалын зардлын 90%-р жилд нэг удаа нөхөн төлбөр олгоно.
• Гуравдагч этгээд нас барсан, хөдөлмөрийн чадвараа бүрэн алдсан тохиолдолд үнэлгээг 100%, бусад тохиолдолд эмчлүүлсэн хоногоос хамааран даатгалын үнэлгээнээс шаталсан тарифаар тооцож олгоно.