Та ачаа тээврийн даатгалд даатгуулснаар гарч болох эрсдэлийн хохирол зардлаас бүрэн өөрийгөө хамгаалж болох юм.

Та төрөл бүрийн тээврийн хэрэгслээр /авто тээврийн хэрэгсэл, галт тэрэг/ өөрийн эсвэл гэрээний дагуу бусдын ачаа, бараа бүтээгдэхүүн, эд материалыг тээвэрлэж байх явцад тохиолдож болох эрсдэлийн улмаас хохирол, зардал гарах вий гэж санаа зовдог уу?

Ачаа тээврийн даатгалд хэн даатгуулах боломжтой вэ?

• Монгол Улсын нутаг дэвсгэрт ачаа бараа, эд материал тээвэрлэж байгаа бол тус даатгалд даатгуулах боломжтой.

Ачаа тээврийн даатгалд юу даатгуулж болох вэ?

• Тээвэрлэгдэж буй ачаа бараа

Таныг ямар эрсдэлүүдээс даатгадаг вэ?

Үндсэн эрсдэл:

• Замын хөдөлгөөнд оролцож байх үеийн эрсдэл
• Байгалийн эрсдэл
• Гал, бүх төрлийн тэсрэлт, дэлбэрэлт
• Цахилгаан, эрчим хүчний
• Тээвэрлэлтийн үеийн гэнэтийн осол

Хэрэв та шаардлагатай гэж үзэж байвал үндсэн эрсдэл дээрээс нэмэгдэл эрсдэлээс сонгон даатгуулах боломжтой. Үүнд:

• Гадны нөлөөлөл
• Хулгай (эх биеийн болон жижиг эд ангийн хулгайн)
• Нэмэлт зардал (үнэлгээний болон ослын газраас тээвэрлэх зардал)

Даатгалын үнэлгээ:

Даатгалын үнэлгээг тогтоохдоо даатгагч, даатгуулагч нар харилцан тохиролцож дараах үнийн аль нэгийг сонгоно. Үүнд:

• Зах зээлийн тухайн үеийн үнэ буюу зах зээлийн жишиг үнээр тооцох
• Бүртгэлийн үнэ эсвэл баримтанд заасан барааны энгийн дүнгээр тооцох

Даатгалын хураамжийн хэмжээ нь замын болон тээврийн төрөл, тээвэрлэх зай, барааны ангилал, эрсдэлийн түвшингээс хамаарна.

Даатгалын үргэлжлэх хугацаа ямар байх вэ?

• Илгээгчээс ачааг тээвэрлэгчид шилжүүлж эхэлсэн үеэс тээвэрлэгч ачааг хүлээн авагчид хүлээлгэж өгөх хүртэл 30 хоног хүртэлх тогтоосон хугацаанд үргэлжилнэ.

Даатгалаас олгогдох нөхөн төлбөрийн хэмжээ ямар байдаг вэ?

Даатгалтай ачаанд даатгалын тохиолдлын улмаас хохирол учирсан бол дараах зүйлсийг харгалзан нөхөн төлбөр олгоно:

• Даатгалын зүйл бүрэн сүйрсэн тохиолдолд даатгалын үнэлгээнээс даатгал эхэлсэн хугацаанаас бүрэн сүйрэл хүртэлх хугацаанд ногдох элэгдлийг хассан дүнг олгоно.
• Зах зээлийн үнэлгээгээр тооцсон нөхөн сэргээх засварлах зардлыг олгоно.
• Уг хохирол даатгуулагчийн буруутай үйлдлээс шалтгаалсан бол 80%-иар хохирлын дүнгээс тооцож олгоно.